Convenio Concello Nogueira de Ramuín

O Concello de Nogueira de Ramuín e a Asociación de Empresarios Ribeira Sacra Next formalizaron un convenio de colaboración co obxectivo de impulsar o desenvolvemento económico, turístico e empresarial da Ribeira Sacra.

A través deste acordo, o Concello apoia as actividades e accións promovidas pola asociación, contribuíndo ao fortalecemento do tecido empresarial, á promoción do territorio e á dinamización da actividade económica e turística da comarca.

Este convenio reforza o compromiso entre ambas entidades para seguir traballando de maneira conxunta na promoción da Ribeira Sacra como destino de referencia e no apoio ás iniciativas que beneficien ao conxunto do territorio.